وجه الرئيس عبدالفتاح السيسي، رسالة مهمة للمصريين، خلال لقائه اليوم الأربعاء، مع أهالي قرية “الأبعادية” بمحافظة البحيرة، بعد افتتاح عدد من المشروعات ضمن مبادرة “حياة كريمة”.
وقال السيسي: “اطمنوا إحنا مسيطرين على الأمور، كل حاجة لها بداية ونهاية وأي أزمة كده، كنت منتبه في مسيرة عمري على الأزمات، كله خلص، اللي احنا فيه بفضل الله وفضلكم مع بعض، هنعدي وهنبقى أحسن”.
وأضاف: “متصور إن انتوا لو تشوفوا الريف زمان شكله كان عامل إزاي، مش الناس زمان كانت بتاكل الذرة الصفرا، وأرجو محدش يزعل مني، مع الوضع في الاعتبار الشكل كان جميل عشان العدد مش ضاغط، لكن الأمور تغيرت خالص… لسه كنت بقول للمزارعينن الترع اللي اتطبنت، هتعود على الجميع، يا رب يحفظنا كلنا”.
وتابع الرئيس السيسي: “لغاية سنة 52 كنا 19 أو 20 مليون، كل مصر، ريف وحضر، ثم في عهد السادات وصلنا لـ40 مليون، وبعدين في 2011 تقريبا 80 مليون، والنهاردة 105 مليون، دلوقني واحنا بندردش كل 15 ثانية فيه ضيف بيجي، ربنا يزيد ويبارك، المواد موجودة حتى لو كانت غالية شوية، بكلم على احتياجات 105 مليون +9 مليون، يبقوا 114 مليون”.
وأكمل: “بنحاول بجهدكم ودعمكم، وقبل ده دعواتكم، الناس الطيبة كتير في مصر، أنا قبل ما آجي لكم، عديت على دار مسنين ودخلت أشوف أهلنا من الكبار، أنا عايز أقولكم، كنت في حالة تانية خالص، الناس الكبار ليهم عند ربنا مكان، ابقوا بصوا هتلاقوا طاقة ورحمات”.
ووصل الرئيس عبد الفتاح السيسى اليوم، قرية الأبعادية بالبحيرة لافتتاح عدد من مشروعات “حياة كريمة” والتقى بعدد من الأهالي والقيادات الشعبية بالمحافظة.
وتفقد السيسى عددا من المشروعات الخدمية التى تم تنفيذها فى إطار مبادرة حياة كريمة بقرية الأبعادية بالبحيرة، والوحدة الصحية ومجمع الخدمات التكنولوجية بالقرية.
وتضمنت الجولة الرئاسية زيارة دار مسنين الأبعادية والاطمئنان على النزلاء بالدار واستفسر الرئيس عن الخدمات المقدمة لهم، كما التقى الرئيس عددا من الأهالى والقيادات الشعبية بالمحافظة وأدار حواراً مع حشد من المواطنين.